广州话：同人唔同命，同遮唔同柄
作者：admin 发表于2022-02-02 11:29 阅读(3)
广州话：同人唔同命，同遮唔同柄
揾食艰难，不得不服。有时都会听见啲同事老友，有感而发唉唉唉声响度叹气，冲口而出就系呢一句——同人唔同命，同遮唔同柄。
呢句广州话俗语，相信好多人外省嘅朋友都有听过，咩意思，大家都心知肚明。
从字面来睇，就好易理解。同人，系同样是人的意思。唔，不嘅意思。“同人唔同命”，意思就是：同样条件的人却有不同的基本相反的遭遇。遮，就系伞。同遮，系同伞嘅意思。从用途上讲，所有嘅“遮”都一样，系用来遮雨或遮阳嘅。而同样都系“遮”，每把伞都有各自唔同嘅柄（手柄）。“同遮唔同柄”，就是说，同是伞，但不同那伞下那根柄的意思，有些柄好，特别劳固，有啲就唔系咁好嘞。两把伞放埋一齐，一把手柄系直嘅，一把系弯嘅，就好唔同啦。
点解把“遮”同“人”相提并论呢？那是因为，雨伞是人用的，是随人的，由于拿“遮”柄嘅人，各种各样，各有不同，有的“遮”被纤纤玉手拿返华堂，有的“遮”就会被粗糙的手拎回陋室，同样是被人用来遮阳挡雨，“遮”落在谁的手里，由不同的人带着，就会在截然不同的地方停留。
于是乎，遮与人联系一齐，用遮比喻人，用柄比喻命，就总结形成咗广东人嘅一句俗话：“同人唔同命，同遮唔同柄”。呢个其实系上下联嘅谚语，意思表达嘅系上半句，称为“歇前语”。意思是指同样的人或事物，际遇却大相径庭。多用作感叹人的命运遭遇各不相同。
古人认为，一个人嘅命运同生日有关系。仲认为盘古开天辟地阳清为天，阴浊为地。阳气就是阳清之气，阴阳二气混杂从而化育了万物。万物中阴阳比较平均嘅就演化成了人。不同时间出生嘅人阳气不同，阳气不同一个人嘅五行就会出现偏差，从而导致命运嘅差异。每个人表面上冇咩差别，但系命运却完全唔一样。
“同人唔同命”通常系对命运不同、待遇不公嘅一种无奈感叹。有人更加将呢句俗语加以延伸，讲成系“同人唔同命，同遮唔同柄，同病唔同命，同屁唔同味”添，何出此言，相信，唔使讲，大家都心领神会，好有共鸣。
讲到呢样嘢，我就常日听见啲揸粉笔嘅老友愤愤不平。因为同样系做教师，同样都系从事劳心费神嘅工作，但系待遇薪酬就超级“大细超”（偏心，不公平的意思），完全系“同遮唔同柄”。
据讲，有啲民校教师月薪只有2500蚊，仲比唔上流水线上嘅工人。而公办教师嘅月薪差唔多系民办教师嘅两倍。“同工不同酬”，差异仲咁大，真系令人费解。唔怪之，好多民办教师、“合同制老师”、“代课老师”总系三朝七日走人，随时来随时走，流动性咁大啦。政府同教育部门、学校对啲“临记”老师咁刻薄，老师唔安心做落去，又点可能搞好教学质量至得假？最终受害嘅唔系学生哥咩？
呢个世界，好多嘢确实系唔公平、唔合理嘅。同样系人，大家都系有手有脚，有眼耳口鼻，点解有啲人大富大贵，有啲人就穷困潦倒呢？点解人哋叫嘉城，你又叫嘉城，点解人哋有几百亿身家，你就斗零都冇，常日急性发钱寒荷包干硬化嘎？呢啲咪叫“同人唔同命”，人同命不同啰。富贵生死，人各有命。唏嘘感叹又如何？认命啦，捱世界咪捱世界啰，慢慢捱啰。
仲讲？仲讲？点解人哋细细个就有豪车揸，四个碌玩厌就玩直升机，你就匿喺屋企玩气球、玩泥沙、玩手指？仲问点解？你条命骨唔够正咯，人哋含住金锁匙出世，边个叫你嘴里面含住嘅系烂铜烂铁啊。